Uppfærist á 60 mínútna fresti
10°c11°c7°c11°c10°c11°c9°c
9°c
Reyðarfjörður er lengstur og breiðastur Austfjarðanna, alls 30 km langur. Um tíma starfræktu Norðmenn hvalveiðistöðvar í firðinum og fiskveiðar eru stór hluti af sögu staðarins. Í dag er álver Alcoa Fjarðaáls einn stærsti atvinnurekandinn á svæðinu, sem gerir Reyðarfjörð að helsta iðnaðarsvæðinu á Austurlandi. Reyðarfjörður tengist einnig Bretlandi, en í seinni Heimsstyrjöldinni voru Bandamenn með herstöð í firðinum. Ummerki um hana eru enn áberandi á staðnum en þar má m.a. finna bragga og skotbyrgi.
Íbúafjöldi:
Um 1.200
Póstnúmer:
730
Sveitarfélag:
Fjarðabyggð
Í Grunnskóla Reyðarfjarðar eru nú um 200 nemendur og í leikskólanum um 90. Tónlistarskóli Eskifjarðar og Reyðarfjarðar er starfræktur á Reyðarfirði. Í dag búa tæplega 1.200 manns á Reyðarfirði.
Hádegisfjallið á Reyðarfirði
Innst í Reyðarfirðinum er þéttbýlið og bar það áður nafnið Búðareyri, en í dag ber þéttbýlið heiti fjarðarins og enda þótt sjávarútvegur og fiskvinnsla hafi verið töluverð á Reyðarfirði hér áður þá hafa þær greinar ekki vegið jafn þungt í atvinnulífi staðarins og í flestum öðrum sjávarbyggðum á Austurlandi síðustu ár og áratugi. Útgerð og fiskvinnsla eru því hverfandi, en atvinnulíf byggist á ört vaxandi þjónustu og byggingarstarfsemi vegna álversins og Kárahnjúkavirkjunar.
Andapollurinn
Íslenska stríðsárasafnið, sem staðsett er á Reyðarfirði, kemur stemmingu stráðsáranna vel til skila, sem er magnað í ljósi þess að Ísland hefur aldrei tekið þátt í hernaði. Þéttbýlið varð löggiltur verslunarstaður 1890 og 1909 var Kaupfélag Héraðsbúa stofnað á Reyðarfirði og fylgdi því mikil gróska.
Öll almenn þjónusta er á Reyðarfirði, heilsugæsla auk þess sem höfuðstöðvar Vegagerðar ríkisins á Austurlandi eru á Reyðarfirði svo og aðalskrifstofa Fjarðabyggðar, sem Reyðarfjörður tilheyrir.
Veitinga- og gististaðir eru nokkrir. Sumir þeirra eru opnir allt árið, en aðrir einungis á sumrin.
Reyðarfjörður
Mörg virk félagasamtök og sjálfboðaliðasamtök eru á Reyðarfirði;
Veður á Austurlandi 
