Uppfærist á 60 mínútna fresti

Skemmtilegt um Mjóafjörð

Á veturna kemstu bara sjóleiðina til Mjóafjarðar.

Mjóifjörður

Vegalengd frá Egilsstöðum

41 km.

Dæmi um gönguleiðir

Asknes, Hofsárgljúfur, Prestagil

Íbúafjöldi

24

Í landi sem sérhæfir sig í ósnortnum stöðum úr alfaraleið, má samt færa rök fyrir því að Mjóifjörður sé sá afskekktasti. Mjóifjörður er 18 kílómetra langur og, eins og nafnið gefur til kynna, mjór. Þorpið í Mjóafirði heitir Brekka og þar eru um 24 manns með fasta búsetu, einstaklingar sem virkilega njóta fámennisins og náttúrunnar. Leiðin til Mjóafjarðar er stórfengleg en hún er aðeins opin í um fjóra mánuði á ári (fer eftir færð og veðri). Annars er einungis hægt að komast til Mjóafjarðar með áætlunarbát frá Norðfirði.

Malarvegurinn sem liggur frá Hringvegi 1 niður í fjörðinn og eftir norðurströnd hans leiðir ferðalanga um marga af merkustu stöðum Mjóafjarðar. Fjörðurinn er skemmtilegt samsafn fallegra náttúrufyrirbæra og söguminja sem saman segja áhugaverða sögu. Einn þekktasti segullinn í Mjóafirði er Klifbrekkufossar, sem falla niður klettastalla innst í firðinum. Prestagil er magnað en það dregur nafn sitt af þjóðsögu sem segir frá tröllkonu sem reyndi að tæla prest með sér inn í gilið og Smjörvogur var einu sinni notaður sem fangelsi því þaðan var ekki hægt að sleppa án aðstoðar. Á Asknesi má sjá minjar hvalveiðistöðvar sem byggð var af Norðmönnum um aldamótin 1900. Stöðin var á þeim tíma sú stærsta í heiminum með um 200 starfsmenn. Ef keyrt er í gegnum þorpið og áfram í austur enda ferðalangar við vitana á Dalatanga (annar frá 1895, hinn 1908) en þar er ótrúlegt útsýni til allra átta.

Á sumrin, á meðan vegurinn er opinn, er lágmarksþjónusta á staðnum fyrir ferðamenn sem sækjast eftir kyrrð, magnaðri náttúru, og endalausum möguleikum til gönguferða. Mættu vel undirbúinn, sérstaklega ef dvelja á í lengri tíma.

Tillögur

Ganga í leit að besta sjónarhorninu til þess að mynda Klifbrekkufossa. Ef þú ert í stuði þá er hægt að taka sér dag í að ganga yfir í annan af nágrannafjörðunum.

Bragð af kaffi og með því á litla gistiheimilinu sem opnar á sumrin í Brekkuþorpi.

Biltúr eftir norðurströnd fjarðarins, eins langt og þú kemst, til þess að njóta útsýnisins frá Dalatanga.

Önnur Bæjarfélög