Uppfærist á 60 mínútna fresti

Skemmtilegt um Djúpavog

Hið árlega Faðirvorahlaup fer fram á Djúpavogi.

Mörg söfn eru á Djúpavogi. Auk þess eru Nönnusafn og geislasteinasafnið á Teigarhorni er meðal þess sem finnst í Berufirði.

Djúpivogur

Vegalengd frá Egilsstöðum

85 km. (um Öxi)

Dæmi um gönguleiðir

Teigarhorn, Hálsaskógur, Búlandsnes, Gleðivík, Bóndavarða

Menningarhús/söfn

Nönnusafn (Teigarhorni), Geislasteinasafn (Teigarhorni), Langabúð, Safn Ríkharðs Jónssonar myndhöggvara

Sundlaug

Sundlaug Djúpavogs

Íbúafjöldi

472

Syðst á Austurlandi tekur fólk lífinu rólega. Hinn einstaklega fallegi bær Djúpivogur er hluti af Cittaslow (alþjóðlegt tengslanet bæja þar sem gott er að búa). Bæir sem taka þátt í Cittaslow hreyfingunni leggja áherslu á ósvikna framleiðslu, heilnæman mat í anda „slow food“ stefnunnar, heillandi handverkshefðir, og umhverfisvernd í takt við gleðina sem hlýst af hæglátu og friðsælu hversdagslífi.

Afþreying

Djúpivogur er friðsæll staður sem skapar svigrúm fyrir íbúa og gesti til gönguferða, könnunarferða, og að anda djúpt. Upplifðu rólegheitin, söguna og sköpunargleðina. Verslunarsaga staðarins nær aftur til ársins 1589, og elsta húsið á Djúpavogi (Langabúð, byggð 1790) hýsir nú söfn og kaffihús. Handverksfólk af svæðinu er með vinnustofur í bænum og óvenjulegar sýningar utandyra, og ekki má gleyma Eggjunum í Gleðivík eftir listamanninn Sigurð Guðmundsson. Listaverkið samanstendur af 34 eggjum í yfirstærð sem stillt er upp með fram strandlínunni. Þau minna á annan segul Djúpavogs en það er fjölbreytt fuglalíf svæðisins. Grunn lónin, vötnin meðfram ströndinni og leirurnar á svæðinu bjóða upp á kjöraðstæður fyrir margar tegundir fulga, en verndarsvæðið á Búlandsnesi er þekkt á meðal fulglaáhugafólks. Undan strönd Djúpavogs er Papey, lítil óbyggð eyja, þar sem er í sérstöku uppáhaldi hjá þeim sem vilja sjá lunda.

Það sem stelur senunni í landslaginu umhverfis Djúpavog er án efa Búlandstindurinn sem gnæfir yfir allt annað, í 1069 metra hæð. Þjóðsögur herma að á sumarsólstöðum geti fjallið látið óskir rætast og einhverjir trúa að það búi yfir yfirnáttúrulegum kröftum.

Tillögur

Ganga innan um fuglana í friðlandinu á Búlandsnesi, eða á Búlandstindinn ef þú leggur í eitthvað meira krefjandi.

Bragð af heimagerðu kökunum í Löngubúð, elsta húsinu í bænum.

Bað með heimamönnum í sundlaug bæjarins.

Bíltúr – fylgdu hringveginum frá bænum til þess að sjá tilkomumikla náttúrufegurð. Haltu í norður til þess að skoða náttúruverndarsvæðið á Teigarhorni eða Berufjörðinn fallega, eða í suður til þess að sjá svörtu sandana og hrikalega klettana Stapavík.

Einn af mínum allra kærustu stöðum á Austurlandi eru sandarnir á Djúpavogi. Kyrrðin er áþreifanleg og svarti sandurinn virðist endalaus strönd yst á Búlandsnesi. Ég fæ hreinlega aldrei nóg og hér eru ný ævintýri við hvert fótmál, í hverri heimsókn. Þetta er staðurinn sem heillaði í upphafi, nóg til að taka skrefið og flytja alla leið í paradísina.Hér er brasað vikulega með börnin, leitað að skeljum og steinum, skokkað og jógað, allt til skiptis. Hálfpartinn í bakgarðinum heima, heppin ég!

Gréta Mjöll Samúelsdóttir atvinnu- og menningarmálafulltrúi

Önnur Bæjarfélög