Bragðavellir

Á Bragðavöllum, sem staðsettir eru 10 km frá þéttbýlinu á Djúpavogi, er fjölbreytt aðstaða til vinnu og gistingar: sumarhús, vottað eldhús og samkomusalur.

Sumarhúsin má að nýta hvoru tveggja sem gisti- og vinnuaðstöðu. Í húsunum eru uppábúin rúm, eldhús, baðherbergi og nettenging. Húsin eru til leigu allt árið um kring.

Á Bragðavöllum er líka fullbúið og vottað eldhús sem hægt er að nýta í vöruþróun og framleiðslu matvæla, auk samkomusals sem má nýta sem skrifstofu- og fundaraðstöðu. Í salnum eru borð, stólar, skjávarpi, fundakerfi og nettenging. Eldhúsið og salurinn eru til leigu frá október til apríl.