Uppfærist á 60 mínútna fresti
-4°c
-4°c
-2°c-3°c
-2°c
-2°c
Stöðvarfjörður er eina þorpið á Austfjörðum sem þjóðvegur 1 liggur í gegnum og þar er margt áhugavert að skoða. Heimamenn stunda fiskveiðar og er ferðaþjónusta umtalsverð. Listir og handverk eru áberandi, því mikill sköpunarkraftur kraumar í Stöðvarfirði sem líklegast er innblásinn, allavega að hluta til, af stórbrotinni náttúru svæðisins. Stöðvarfjörður er hluti af sveitarfélaginu Fjarðabyggð.
Á Stöðvarfirði er rekinn grunn- og leikskóli. Skólinn var sameinaður Breiðdalsskóla árið 2019. Eftir það er skólinn kenndur við bæði byggðarlögin og fara nemendur milli staða annan hvorn dag nema á föstudögum, en þá er kennt á sitthvorum staðnum. Á Stöðvarfirði eru um 25 börn á leik- og grunnskólaaldri. Tónlistarskóli Fáskrúðsfjarðar, Stöðvarfjarðar og Breiðdalsvíkur er með starfsemi á Stöðvarfirði.
Smábátahöfnin
Nokkur fyrirtæki eru á staðnum og má þar nefna útgerð, fiskverkun, vélaverkstæði, jóga- og heilsuþjálfara.
Í þorpinu er kirkja með frábærum hljómburði og góðu safnaðarheimili. Dagvist aldraða er í Balaborg og þar er opið á tvisvar sinnum í viku. Þar gefst eldri borgurum færi á að mæta og fá heitan mat í hádeginu annan daginn og kaffihlaðborð hinn daginn. Þar er hægt að spila, vinna handavinnu og ýmislegt fleira.
Útisundlaug er á Stöðvarfirði, starfrækt á sumrin, KSÍ sparkvöllur og íþróttahús með tækjasal.
Tjaldsvæði er yst í þorpinu, nálægt Nýgræðingi sem er lítil skógrækt með göngustígum.
Steinasafn Petru
Tveir veitingastaðir eru á Stöðvarfirði og er annar opinn allt árið. Þar má finna litla gjafa- og dagvöruverslun, sem selur helstu nauðsynjar fyrir gesti og gangandi. Hægt er að kaupa gistingu þar sem finna má eitt hótel og nokkra minni gististaði í byggðarlaginu.
Á Stöðvarfirði er hraðbanki á vegum Landsbankans og boðið er upp á póstþjónustu og vöruflutninga, án þess að slík fyrirtæki séu staðsett þar. Heilsugæsla er á staðnum og þangað koma læknir og hjúkrunarfræðingur aðra hvora viku. Þar er vísir að apóteki og hægt að fá afhent lyf.
Á Stöðvarfirði er frægt steinasafn, listagallerí og byggðasafn. Á sumrin er rekinn stór handverksmarkaður þar sem handverkið er allt unnið af heimafólki. Þar er auk þess starfrækt svonefnd Sköpunarmiðstöð í gamla frystihúsinu. Þar má finna eitt flottasta hljóðver landsins, Stúdíó Síló og þangað koma innlendir og erlendir listamenn til að skapa.
Félagasamtök og sjálfboðaliðastarf:
Stöðvarfjörður
Stöðvarfjörður
Stöðvarfjörður
Smábátahöfnin á Stöðvarfirði
Steinasafn Petru á Stöðvarfirði
