Skráning framleiðenda á Matarmót

Kæri matvælaframleiðandi á Austurlandi!

Við bjóðum þér að taka þátt í Matarmóti Matarauðs Austurlands þann 1. október næstkomandi.

Á Matarmóti fá matvælaframleiðendur á Austurlandi tækifæri til að kynna sínar vörur fyrir væntanlegum kaupendum, söluaðilum og samstarfsaðilum í greininni. Bæði framleiðendur og kaupendur á Austurlandi hafa kallað eftir vettvangi til samtals og samvinnu og Matarmóti er ætlað að svara því kalli! Matargerð er á miklu flugi á Austurlandi og hér er að finna fjölbreytt úrval veitingastaða og framleiðenda sem vinna með staðbundin hráefni.

Matarmótið er hluti af glæsilegri dagskrá sem gerir matarmenningu og -framleiðslu Austurlands hátt undir höfði – allt undir yfirskriftinni OKKUR AÐ GÓÐU.

Hvar: Hótel Valaskjálf, Egilsstöðum

Hvenær: Föstudaginn 1. október 2021

Verðskrá
Fyrirtæki með 1-2 starfsmenn greiða 10.000
Fyrirtæki með 3-20 starfsmenn greiða 25.000
Fyrirtæki með 21 starfsmann eða fleiri greiða 45.000

Samstarfsaðilar Austurlands fá 20% afslátt af þátttökugjaldi
Innifalið í verði: Aðstaða í Hótel Valaskjálf (dúkað borð (ca 1.80×80), rafmagn, merkingar, ráðgjöf við framsetningu vöru, fyrirlestrar og erindi, kokteill í lok dagskrár).

SKRÁNINGU LÝKUR 27. SEPTEMBER

Nánari upplýsingar veita
Halldóra Dröfn Hafþórsdóttir ([email protected]) // 470 3871
Alda Marín Kristinsdóttir ([email protected]) // 470 3860