Egilsstaðir: Hlutastarf í Blómaval
Hefur þú ríka þjónustulund, ert góður sölumaður og hefur gaman af mannlegum samskiptum? Þá gætum við verið með starfið fyrir þig.
Við leitum að vandvirkum og öflugum einstakling til þess að bætast í hóp starfsmanna Blómavals á Egilsstöðum.
Um er að ræða spennandi hlutastarf sölufulltrúa Blómavals þar sem helstu verkefni eru gerð blómaskreytinga, vöruframsetning, sala, ráðgjöf og þjónusta við viðskiptavini ásamt öðrum almennum verslunarstörfum.
Við leggjum ríka áherslu á jákvætt hugarfar, glaðlega framkomu og að vinna saman að því alla daga að veita framúrskarandi þjónustu til okkar viðskiptavina.
Um er að ræða tímabundið starf til eins árs og starfshlutfall er 65%. Vinnutími er virka daga frá 9:00 – 14:00 og annan hvern laugardag frá 10:00 – 15:00.
Æskilegt er að viðkomandi geti hafið störf sem fyrst.
Menntunar- og hæfniskröfur
- Starfsreynsla úr blómaverslun og af sölustörfum æskileg
- Reynsla eða þekking af blómaskreytingum er kostur
- Listrænt auga og fagurfræðileg hugsun
- Rík þjónustulund og hæfni í mannlegum samskiptum
- Stundvísi, jákvæðni og heiðarleiki í starfi
- Gott vald á íslensku
Fríðindi í starfi
- Aðgangur að orlofshúsum
- Afsláttarkjör í verslunum Húsasmiðjunnar, Blómavals og Ískrafts
- Styrkur til heilsueflingar
Við hvetjum alla áhugasama til þess að sækja um, óháð kyni.
Blámaval er stórmarkaður með allt fyrir blóma- og garðáhugafólk. Hjá okkur eiga áhugamenn um ræktun að fá allt sem hugurinn girnist og faglega þjónustu. Hjá Blómavali er lifandi starfsumhverfi, öflug liðsheild og frábær starfsandi. Lögð er mikil áhersla á símenntun og að starfsmenn fái tækifæri til að eflast og þróast í starfi.
Gildin okkar eru: Áreiðanleiki – þjónustulund – þekking
Nánari upplýsingar um starfið gefur rekstarstjóri verslunarinnar, Þorsteinn Óli Sveinsson á [email protected]
Umsóknarfresetur er til og með 26. maí 2022 og sótt er um starfið í gegnum starfasíðu Húsasmiðjunnar: https://www.husa.is/laus-storf
