Tækniminjasafn Austurlands
Komdu og kynntu þér sögu Búðareyrarinnar á sýningunni okkar „Búðareyri – saga umbreytinga“ í gömlu Vélsmiðjunni. Á sýningunni nýtum við nýstárlegar margmiðlunarlausnir í bland við hefðbundna tækni til að segja sögu Búðareyrarinnar sem varð fyrir aurskriðu í desember 2020. Sýningin hentar gestum á öllum aldri.
Í Hafnargarðinum er að finna útisýninguna „Konur starfa“. Þar kynnist þú merkilegri sögu kvenna á Seyðisfirði. Á sýningunni skoðum við fjölbreytt störf kvenna og mikilvægi efnahagslegs framlags þeirra til samfélagsins á á Íslandi frá 1880 til 1920 en það voru miklir umbreytingatímar.
Opnunartímar í Vélsmiðjunni
15. maí – 30. júní: Mánudagar – laugardagar kl. 13 – 17
1. júlí – 31 ágúst: Alla daga kl. 10 – 17
1. – 15 september: Mánudagar – laugardagar kl. 13 – 17
Vetur: Eftir samkomulagi : [email protected]
Námskeið og sýningar
Haldin eru námskeið og sýningar auk þess sem stundaðar er rannsóknir og kennsla, auk þess sem safnið tekur þátt í margvíslegu menningarstarfi og samstafsverkefnum. Sýningar eru lifandi og leitast við að endurvekja andrúm tímans sem fjallað er um. Safnasvæðið er jafnframt tilvalið útisvistarsvæði fyrir gönguferðir og samveru. Lítil verslun er á safninu þar sem hægt er að fá bækur og minjagripi.
Netsýningar
Þegar covid-19 heimsfaraldurinn setti samfélagið allt á hliðina, ekki síst menningarlíf, kom Tækniminjasafnið til móts við þá sem ekki komust á safnið með því að búa til tvær netsýningar í samstarfi við Google. Önnur sýningin ber titilinn „Drengurinn frá Djúpavogi“ og segir sögu ungs manns sem fæddist í mikilli fátækt en varð seinna frumlegur athafnamaður sem kynnti margar tækninýjungar fyrir íbúum Austurlands. Hin sýningin kallast „Strik og punktar“ en hún segir frá því hvernig síminn færði Ísland inn í nútímann.
https://tekmus.is/en/arts-and-culture/
