Verkefnastjóri – Eygló
Eygló leitar að verkefnastjóra til að sinna verkefnum sem snúa að uppbyggingu og þróun á sviði hringrásarhagkerfisins, orkuskipta og nýsköpunar. Verkefnastjóri vinnur náið með starfsfólki Eyglóar og hagaðilum í nærsamfélaginu. Starfsstöð verkefnastjóra er á Austurlandi.
Eygló er samstarfsverkefni sem snýr að bættri nýtingu auðlinda á Austurlandi með verðmætasköpun, sjálfbærni og nýsköpun að leiðarljósi. Heitið Eygló vísar til öflugasta orkugjafans, sólarinnar, og til bjartrar og kraftmikillar framtíðar. Að verkefninu standa umhverfis-, orku- og loftslagsráðuneytið, Landsvirkjun og Samtök sveitarfélaga á Austurlandi.
Helstu verkefni og ábyrgð
- Virk þátttaka í öflun nýrra verkefna
- Verkefnastjórn og eftirfylgni
- Söfnun, greining og úrvinnsla gagna
- Þátttaka í umsóknarskrifum
- Samskipti og samstarf við hagaðila
- Umsjón með samfélagsmiðlum
- Teymisvinna með Bláma, Eim og Orkídeu
Menntunar- og hæfniskröfur
- Háskólamenntur sem nýtist í starfi
- Þekking á hringrásarhagkerfinu, nýsköpun og orkuskiptum
- Þekking á nýsköpunar-, frumkvöðla- og styrkjaumhverfi vegna þróunar- og rannsóknaverkefna er æskileg
- Rík samskiptahæfni og færni í að koma frá sér efni
- Færni í að miðla efni á vef- og samfélagsmiðlum er kostur
- Frumkvæði og sjálfstæði í vinnubrögðum
- Reynsla af verkefnastjórn er kostur
- Góð færni í íslensku og ensku
