Austurland

Austurland er nákvæmlega 15.792 ferkílómetrar. Sveitarfélögin okkar eru fjögur og heita Fjarðabyggð, Fljótsdalshreppur, Múlaþing og Vopnafjarðarhreppur. Hér búa 11.200 manns eða með öðrum orðum: Á Austurlandi er 1,4 manneskja á hvern ferkílómetra!

Hér er því nóg pláss fyrir stórar hugmyndir og ferska loftið okkar glæðir ímyndunaraflið. Samfélögin á Austurlandi eru opin, vinaleg og tengd innbyrðis. Sagan sýnir að íbúarnir eru útsjónarsamir og litlar hugmyndir hafa breyst í öflug og stöndug fyrirtæki.

Á Austurlandi búum við til mat, menningu og margt fleira. Margir þekkja ferðaþjónustuna okkar og fiskvinnsluna en hér er líka margt sem kemur á óvart, allt frá fersku wasabi, framleiddu með endurnýtanlegri orku, til stærsta skógar landsins á Hallormsstað. Það er alger misskilningur að hér vaxi ekki tré!

Möguleikarnir á Austurlandi eru óþrjótandi og náttúrufegurðin á sér fáar hliðstæður.

Þú verður bara að koma og sjá!

Upplýsingar um svæðið

Á myndinni hér að neðan eru tölulegar upplýsingar um landshlutann.

Mælaborð ferðaþjónustunnar

Hér að neðan er gagnleg tölfræði fyrir Austurland sem tekin er saman af Ferðamálastofu

Um verkefnið

Invest er samstarfsverkefni Íslandsstofu, Ferðamálastofu og Austurbrúar. Nánari upplýsingar er að finna á vefnum invest.is. Einnig er hægt að hafa samband við Dagmar Ýr Stefánsdóttur eða Pál Baldursson hjá Austurbrú
–

Dagmar Ýr Stefánsdóttir
Framkvæmdastjóri/CEO Austurbrú
Netfang: [email protected]
Sími: +354 862 1084

Páll Baldursson
Verkefnastjóri/project manager
Netfang: [email protected]
Sími: +354 896 6716