Framkvæmdasvið Fjarðabyggðar auglýsir laust til umsóknar starf verkefnastjóra úrgangsmála. Um er að ræða fullt starf, tímabundið til eins árs, með möguleika á framtíðarstarfi að þeim tíma liðnum.

Megin viðfangsefni verkefnastjóra verður að auka flokkun, endurvinnslu og nýtingu sorps í sveitarfélaginu.  Að auka eftirlit, samstarf og fræðslu við fyrirtæki og íbúa er snýr að málaflokknum og einnig innleiðing á gæðamálum veitna sveitarfélagsins (vatns-, fráveitu og hitaveitu).

Menntunar- og hæfniskröfur:

• Háskólamenntun sem nýtist í starfi er æskileg.
• Reynsla af stjórnun.
• Reynsla og þekking á umhverfismálum er æskileg.
• Færni til að miðla upplýsingum í töluðu og rituðu máli.
• Sjálfstæði, frumkvæði og skipulagshæfni.
• Framúrskarandi hæfni í mannlegum samskiptum.
• Áhugi á að taka þátt í teymisstarfi og umbótaverkefnum.

Starfslýsing verkefnastjóra úrgangsmála

Launakjör eru samkvæmt kjarasamningum Launanefndar sveitarfélaga og viðkomandi stéttarfélags. Starfið hæfir jafnt konum sem körlum og eru konur hvattar til að sækja um.

Umsóknarfrestur er til og með 20. maí. 2020.

Nánari upplýsingar veitir Marinó Stefánsson, sviðstjóri framkvæmdasviðs Fjarðabyggðar, [email protected] eða í síma 470 9000.

Sótt er um starfið á ráðningavef Fjarðabyggðar með því að smella hér