Umsjónaraðili sumarfrístundar í Múlaþingi
Múlaþing leitar að sjálfstæðum, hressum, ábyrgðarfullum og jákvæðum einstaklingum yfir 18 ára aldri til að hafa yfirumsjón með sumarfrístund í Múlaþingi sumarið 2024.
Menntun sem nýtist í starfi og reynsla af störfum með börnum og unglingum er mikill kostur og góð hæfni í mannlegum samskiptum nauðsynleg.
Um er að ræða fullt starf frá kl. 08:00-16:00 alla virka daga í tímavinnu frá maí til ágústloka á Egilsstöðum, Djúpavogi og Seyðisfirði.
Helstu verkefni og ábyrgð
- Ber daglega ábyrgð á og sér um skipulagningu og umsjón yfir sumarfrístund.
- Hefur samskipti við foreldra og forráðafólk, sér um alla skráningu og utanumahald.
- Hefur samskipti við viðeigandi stofnanir og deildir sveitarfélagsins, auk yfirvalda, ef þörf krefur.
- Forgangsraðar, samræmir og setur starfsfólki sumarfrístundar fyrir verkefni og tekur þátt í störfum þeirra.
- Leiðbeinir starfsfólki um verklag og aðferðir og hefur eftirlit með að vel og rétt sé unnið. Gætir þess að ávallt liggi skýrt fyrir hvaða verkefnum starfsfólk á að sinna.
- Hefur frumkvæði að lausn verkefna á því sviði sem undir hann heyra og hann starfar að.
- Staðfestir vinnutíma starfsfólks og skilar til yfirmanna.
- Hjálpar börnum í sumarfrístund við að skipuleggja og framkvæma verkefni við hæfi.
- Aðstoðar börn í matar- og kaffitímum.
- Gefur börnum tækifæri til að stunda heilsusamlega hreyfingu og þroskandi leiki jafnt úti sem inni.
Menntunar- og hæfniskröfur
- Menntun og/eða reynsla sem nýtist í starfi.
- Áhugi á að vinna með börnum og fjölskyldum þeirra.
- Frumkvæði og sjálfstæði.
- Skipulögð og öguð vinnubrögð.
- Metnaður og dugnaður.
- Hreint sakavottorð
- Hæfni í mannlegum samskiptum, jákvætt viðmót og framúrskarandi samstarfshæfni.
