Þjónustufulltrúi á bæjarskrifstofu
Fjarðabyggð auglýsir laust til umsóknar starf þjónustufulltrúa á bæjarskrifstofunni Reyðarfirði. Starfið gegnir þýðingarmiklu hlutverki í að veita íbúum Fjarðabyggðar góða og skilvirka þjónustu. Rík áhersla er lögð á gott viðmót og þjónustulund.
Meðal helstu verkefna:
- Símsvörun fyrir bæjarskrifstofur og stofnanir.
- Móttaka viðskiptavina og gesta.
- Móttaka ábendinga, pósts og flokkun erinda og skráning.
Hæfniskröfur:
- Reynsla af þjónustu- og almennum skrifstofustörfum.
- Reynsla af notkun ritvinnslu- og hefðbundinna upplýsingatæknikerfa.
- Góð íslenskukunnátta og íslensk ritfærni.
- Þjónustulipurð
Launakjör eru samkvæmt kjarasamningum sveitarfélagsins við viðkomandi
stéttarfélag. Karlar jafnt sem konur eru hvattir til að sækja um stöðuna.
Allar frekari upplýsingar veitir Gunnar Jónsson, bæjarritari, í síma 470 9062 eða á netfanginu [email protected]
Umsóknarfrestur er til og með 7. ágúst 2020 og æskilegt er að viðkomandi geti hafið störf strax.
Sótt er um starfið á ráðningavef Fjarðabyggðar hér.