Tæknimaður á rannsóknastofu hjá Alcoa Fjarðaáli

Umhverfis-, heilbrigðis- og öryggisteymi Alcoa Fjarðaáls leitar að tæknimanni á rannsóknastofu. Starfið felur í sér gæða-, heilsu- og umhverfismælingar, umsjón og viðhald mælibúnaðar og almenn störf á rannsóknastofu. Rannsóknastofan sér um fjölbreyttar mælingar, svo sem í kerskála, löndunarbúnaði, vöktunarstöðvum og settjörnum. Þessar mælingar styðja við framleiðslustjórnun, gæðakerfi og umhverfismælingar sem tengjast starfsleyfi Fjarðaáls. Vinnutími er að jafnaði frá kl. 8 til 16 en viðkomandi þarf jafnframt að vinna á bakvöktum.

Ábyrgð og verkefni

• Reglubundnar mælingar og sýnataka
• Skráning og yfirferð á niðurstöðum
• Daglegur undirbúningur sýna og tækja
• Umsjón og viðhald tækjabúnaðar
• Almenn störf á rannsóknastofu
• Viðhald og þróun feral
• Vinna að umbótum

Menntun, hæfni og reynsla

• Menntun sem nýtist í starfi
• Reynsla af umhverfismælingum og viðkvæmum búnaði er kostur
• Nákvæmni og vandvirkni í mælingum
• Sterk öryggisvitund og góð umgengni
• Lipurð í mannlegum samskiptum og jákvætt viðmót
• Gott vald á íslensku og ensku
• Góð tölvukunnátta

Frekari upplýsingar um starfið veitir Páll Freysteinsson, framkvæmdastjóri umhverfis-, heilbrigðis og öryggismála, í tölvupósti á netfangið [email protected] eða í síma 843 7766. Í samræmi við jafnréttisstefnu Alcoa Fjarðaáls og lög nr 150/2020 eru einstaklingar af öllum kynjum hvattir til að sækja um.

Hægt er að sækja um starfið á www.alcoa.is.

Umsóknarfrestur er til og með mánudeginum 12. September.