Starfsmaður í akstri og léttri húsvörslu
Fjarðabyggð auglýsir starf í akstursþjónustu og léttri húsvörslu laust til umsóknar en starfið gegnir mikilvægu hlutverki í þjónustu við íbúa sveitarfélagsins. Starfið felur í sér akstur og stuðning við aldraða, öryrkja og einstaklinga með langvarandi skerðingar og útkeyrslu matar í heimahús. Einnig er um að ræða létta húsvörslu í þjónustuhúsnæði í eigu Fjarðabyggðar – Breiðabliki og Egilsbúð. Rík áhersla er lögð á sveigjanleika, þjónustulund og samskiptahæfni.
Helstu verkefni
- Starfsmaður vinnur við akstur á sérútbúnum bíl og þarf að hafa tilskilin réttindi til akstursins. Hann hefur umsjón með þjónustuhúsnæði Fjarðabyggðar í Breiðabliki og Egilsbúð og sér um að halda innkeyrslu og gönguleiðum færum auk þess að sinna léttu viðhaldi.
Hæfniskröfur
- Réttindi til að keyra sérútbúinn bíl fyrir fatlaða er nauðsynleg.
- Reynsla af starfi með eldri borgurum og öryrkjum er æskileg.
- Menntun og reynsla sem nýtist í starfi er æskileg.
- Gerð er krafa um verulega hæfni í mannlegum samskiptum.
- Starfið krefst almennrar líkamlegrar hreysti.
Leitað er að einstaklingi með áhuga fyrir starfi sem fer fram í fjölkjarna sveitarfélagi. Öll kyn eru hvött til að sækja um stöðuna. Um er að ræða tímabundið starf til eins árs, með möguleika á áframhaldandi ráðningu. Launakjör eru samkvæmt kjarasamningum sveitarfélagsins við viðkomandi stéttarfélag.
Allar frekari upplýsingar veitir Aðalheiður Björk Rúnarsdóttir, ráðgjafaiðjuþjálfi, í síma 470-9000 eða í gegnum netfangið [email protected]
Umsóknarfrestur er til og með 14. nóvember 2021. Æskilegt er að viðkomandi geti hafið störf sem fyrst.
Sótt er um starfið á ráðningarvef Fjarðabyggðar.
Umsókn þarf að fylgja ferilsskrá og kynningarbréf, ásamt upplýsingum um akstursréttindi.
