Skólaliði við Eskifjarðarskóla
Laus er til umsóknar 100% staða skólaliða við Eskifjarðarskóla.
Í Eskifjarðarskóla eru 142 nemendur í 1. til 10. bekk, lögð er áhersla á fjölbreytta kennsluhætti, vellíðan nemenda og góð samskipti. Leitað er að metnaðarfullum og skapandi einstaklingum sem tilbúnir eru að ganga til liðs við samhentan hóp starfsfólks. Í skólanum eru einnig til húsa: tónlistarskólinn, bókasafn bæjarins og frístundin.
Einkunnarorð skólans eru: áræði, færni, virðing og þekking.
Helstu verkefni og ábyrgð
- Móttaka nemenda og gæsla í frímínútum.
- Annast almenna ræstingu á skólahúsnæði.
- Fylgjast með og aðstoða börn í leik og starfi.
- Undirbúningur fyrir matmálstíma og skömmtun á mat.
Menntunar- og hæfniskröfur
- Sjálfstæði í vinnubrögðum.
- Hæfni í mannlegum samskiptum.
- Ábyrgð í starfi og stundvísi.
- Jákvæðni og sveigjanleiki í samskiptum.
