Sérfræðingur í eftirliti – Austurland
Vinnueftirlitið leitar að metnaðarfullum, sjálfstæðum og drífandi einstaklingi með mikla þekkingu og áhuga á vélum og tækjum til að ganga til liðs við teymi sérfræðinga sem hafa eftirlit með vélum og tækjum skv. lögum nr. 46/1980 um aðbúnað, hollustuhætti og öryggi á vinnustöðum. Starfið heyrir undir sviðsstjóra vinnuvélasviðs.
Helstu verkefni og ábyrgð
Þátttaka í skipulagningu og framkvæmd eftirlits með vinnuvélum og tækjum sem falla innan verksviðs stofnunarinnar. Þar á meðal er um að ræða lyftara, jarðvinnuvélar, krana, húsalyftur, katla o.fl.
Gerð skýrslna vegna eftirlits og eftirfylgni með fyrirmælum sem sett eru fram.
Þátttaka í umbótastarfi og þróun eftirlits með tækjum sem stofnunin sinnir.
Leiðbeiningar til atvinnurekenda og starfsfólks um góða vinnuvernd með áherslu á forvarnir og góða vinnustaðamenningu.
Menntunar- og hæfniskröfur
Iðnnám (meistararéttindi), vélfræðingur eða grunnnám á háskólastigi sem nýtist í starfi.
Sérhæfð reynsla og þekking sem nýtist í starfi, s.s. vinna við stjórnun og/eða viðgerðir vinnuvéla.
Sveigjanleiki og mikil hæfni í mannlegum samskiptum.
Góð íslenskukunnátta og þjálfun í framsetningu ritaðs máls.
Góð almenn tölvukunnátta.
Skipulögð vinnubrögð, sjálfstæði, frumkvæði og mikil þjónustulund.
Kunnátta í ensku og/eða einu norðurlandamáli er æskileg.
