Sérfræðingur á sviði efnamælinga

Sérfræðingur á sviði efnamælinga (Neskaupstaður)

Hjá Matís er laust til umsóknar starf sérfræðings. Við leitum að sjálfstæðum og metnaðarfullum einstaklingi til að starfa í öflugu teymi í Neskaupstað.

Helstu verkefni og ábyrgð

• Efnamælingar og viðhald tækja
• Viðhald mæliaðferða og verkefna í faggildu umhverfi fyrir iðnað og rannsóknir Matís
• Upplýsingamiðlun og samskipti við viðskiptavini
• Innkaup og samskipti við birgja

Menntunar- og hæfniskröfur

• Háskólapróf í efnafræði, efnaverkfræði, lífefnafræði eða sambærilegu
• Góð samstarfshæfni og sveigjanleiki í samskiptum
• Æskilegt er að viðkomandi hafi unnið við efnamælingar og hafi reynslu af viðhaldi tækja
• Frumkvæði, áreiðanleiki og metnaður

Starfshlutfall er 100% og er starfið staðsett í Neskaupstað.

Með vísan í jafnréttisstefnu Matís eru öll kyn hvött til að sækja um. Umsóknum þarf að fylgja ítarleg starfsferilskrá og kynningarbréf þar sem gerð er grein fyrir hæfni umsækjanda í viðkomandi starf. Einnig þarf að fylgja nafn og símanúmer eða tölvupóstfang hjá tveimur meðmælendum sem geta staðfest hæfni umsækjanda

Umsóknarfrestur er til 11.11.22 og hægt er að sækja um starfið í gegnum ráðningarvef Matís: https://jobs.50skills.com/matis/is/16292

Nánari upplýsingar um starfið veitir Natasa Desnica, [email protected]