Sálfræðingur í skólaþjónustu Múlaþings

Laust er til umsóknar starf skólasálfræðings á fjölskyldusviði Múlaþings. Um framtíðarstarf er að ræða.

Múlaþing auglýsir lausa til umsóknar 100% stöðu skólasálfræðings á fjölskyldusviði. Um er að ræða nýtt starf í teymi fagfólks í skólaþjónustu sveitarfélagsins. Á fjölskyldusviði Múlaþings er rík áhersla á forvarnir og snemmtæka íhlutun með virku samstarfi fjölbreytts hóps fagaðila í teymum m.a. í Austurlandslíkaninu. Æskilegt væri að viðkomandi gæti hafið störf í síðasta lagi 1. ágúst nk.

Verkefnin eru fjölbreytt, m.a. mun viðkomandi taka þátt í að:

• Veita sálfræðiþjónustu við leik- og grunnskóla.
• Sinna athugunum, greiningu og ráðgjöf vegna nemenda í leik- og grunnskólum.
• Annast eftirfylgd og mat á árangri í samstarfi við starfsfólk og foreldra.
• Veita starfsfólki leik- og grunnskóla, fræðslu, stuðning og ráðgjöf.
• Móta virka stefnu í málaflokknum.

Menntunar- og hæfniskröfur

• Réttindi til að starfa sem sálfræðingur á Íslandi.
• Reynsla af starfi í skólaþjónustu er æskileg.
• Áhugi á virkri þátttöku í teymistarfi.
• Góð málakunnátta og hæfni til að setja fram mál í ræðu og riti.
• Góð samskipta- og skipulagshæfni.
• Góð þjónustulund og öguð vinnubrögð.
• Sjálfstæði, frumkvæði og metnaður í starfi.