Laust starf: Rannsakandi

Við auglýsum starf rannsakanda laust til umsókna. Ef þú vilt vinna á faglega krefjandi og skemmtilegum vinnustað, þar sem hvatinn er söfnun og framsetning upplýsinga um og fyrir Austurland, erum við með starfið fyrir þig!

Ertu forvitinn, skipulagður og fjölhæfur rannsakandi?​

Við leitum að sérfræðingi til að leiða rannsóknar- og greiningar-verkefni. Í starfinu felst vinna við ýmiskonar rannsóknir og greiningar á sviði lýðtölfræði, innviða Austurlands og til stuðnings öðrum verkefnum stofnunarinnar, umsjón og utanumhald með umsóknum um styrki og rannsóknarstefnu Austur-brúar, framkvæmd rannsókna og kannana, vinna við sjálfbærniverkefni Alcoa og Landsvirkjunar, sem og greining vísa Sóknaráætlunar Austurlands.

Við leitum að einstaklingi sem er úrræðagóður, drífandi, talnaglöggur og fjölhæfur, á auðvelt með að draga upplýsingar saman og skapa yfirsýn.

Ábyrgðarsvið

• Umsjón með rannsóknarverkefnum
• Umsóknir um styrki
• Teymisvinna

Kröfur

• Háskólamenntun í aðferðafræði & tölfræði
• Góð hæfni í gagnavinnslukerfum, s.s. Excel, PowerBi, SPSS
• Færni í textagerð og skýrsluskrifum
• Reynsla af rannsóknarvinnu
• Góð færni í samskiptum
• Leiðtogahæfni

Umsókn skal fylgja

• Ferilskrá
• Kynningarbréf
• Greinargerð sem lýsir reynslu af vinnu við rannsóknarverkefni
• Upplýsingar um meðmælendur

Frekari upplýsingar

Tinna K. Halldórsdóttir: [email protected] // 470 3802

Umsóknarfrestur

Til og með 5. september 2021.