Áreiðanleikasérfræðingur / Reliability Engineer

Alcoa Fjarðaál leitar að öflugum og lausnamiðuðum einstaklingi í hlutverk áreiðanleikasérfræðings. Starfið felst í að þróa viðhaldsáætlanir og meta ávinning þeirra með áreiðanleikagreiningum, umsjón á varahlutum og rótagreiningar í samræmi við stefnu Fjarðaáls.

Helstu verkefni og ábyrgð

Verksvið eða meginverkefni starfsins

Meginverkefnin eru meðal annars:

· Halda utan um búnaðarskrá Alcoa Fjarðaáls.

· Gerð viðhaldsáætlana í samræmi við áreiðanleikastefnu Fjarðaáls og mikilvægi búnaðar.

· Skilgreina varahluti í vörulista.

· Gerð verklýsinga fyrir fyrirbyggjandi viðhald.

· Framkvæma áreiðanleikagreiningar.

· Framkvæma rótargreiningar á vandamálum.

Ábyrgð í starfi

Vinna eftir áreiðanleikastefnu Fjarðaáls til að stuðla að áreiðanlegum og hagkvæmum rekstri Fjarðaáls.

Menntunar- og hæfniskröfur

Menntun og/eða réttindi sem krafist er

Tækni/verkfræðimenntun eða önnur hagnýt menntun s.s. véliðnfræði.

Reynsla sem krafist er

Minnst 5 ára starfsreynsla og reynsla af viðhaldsmálum. Reynsla af störfum framleiðslufyrirtækja kostur.

Hæfni sem krafist er

· Góð enskukunnátta.

· Geta unnið í teymi.

· Vilji til að læra.

· Sýna frumkvæði.

· Góð almenn tölvufærni og geta til að tileinka sér notkun tölvukerfa.

Samskiptafærni og samstarfsaðilar í starfinu

Viðhalds- og áreiðanleikasérfræðingar eiga í nánum samskiptum við planara, viðhaldsleiðtoga, iðnaðarmenn, rekstrarstjóra og tækniteymi framleiðslusvæða í sinni vinnu.

Samskipti við birgja, þjónustuaðila og tækniþjónustu Alcoa (Center of Exellence).

Fríðindi í starfi

Gott mötuneyti
Rútuferðir til og frá vinnu
Velferðaþjónusta

Alcoa Fjarðaál er stór og lifandi vinnustaður sem aldrei sefur. Saman sköpum við útflutningsverðmæti á öruggan og ábyrgan hátt, allan sólarhringinn, alla daga ársins. Alcoa Fjarðaál býður samkeppnishæf laun og minni vinnuskyldu en almennt þekkist og er aðbúnaður starfsmanna til fyrirmyndar. Öryggi og heilbrigði eru ávallt forgangsmál á vinnustaðnum og tækifæri til þjálfunar, menntunar og starfsþróunar eru mikil.

Gildi Alcoa eru heilindi, árangur, umhyggja og hugrekki.

Frekari upplýsingar um starfið veitir Kolfinna Finnsdóttir, sérfræðingur í ráðningum í gegnum netfangið [email protected]

Við erum gildisdrifin, knúin framtíðarsýn og sameinuð af tilgangi okkar að nýta tækifærin til að ná árangri. Skuldbindingar okkar varðandi þátttöku, fjölbreytni og jöfnuð fela í sér að bjóða upp á trausta vinnustaði þar sem öryggi og virðing eru í heiðri höfð og allir einstaklingar eru án aðgreiningar, lausir við mismunun, einelti og áreitni og að vinnustaðir okkar endurspegli fjölbreytileika samfélaganna sem við störfum í.

Í samræmi við jafnréttisstefnu Alcoa Fjarðaáls og lög nr. 150/2020 eru einstaklingar af öllum kynjum hvattir til að sækja um.

Hægt er að sækja um starfið á Alcoa.is.

Umsóknarfrestur er til og með 10. júlí.

Áreiðanleikasérfræðingur / Reliability Engineer

Dagar myrkurs 2025

Matarmót Austurlands 2025

Lógó og útlit BRAS

Ljósmyndasamkeppni / Photo competition