Verkstjórar í vinnuskóla Múlaþings

Sveitarfélagið Múlaþing auglýsir eftir verkstjórum í Vinnuskóla Múlaþings sumarið 2022 á starfstöðvar vinnuskólans á Egilsstöðum/Fellabæ og Seyðisfirði.

Verkstjóri stýrir verkefnum sumarstarfsins og þarf að hafa reynslu á þessu sviði, útdeilir verkefnum til flokkstjóra vinnuhópa og þarf að skipuleggja fram í tímann.

Verkstjóri starfar undir stjórn þeirra sem hafa yfirumsjón með vinnuskólanum og hefur undir sinni stjórn flokkstjóra í vinnuskóla viðkomandi stað.

Verkstjóri er nemendum fyrirmynd hvað varðar heilbrigðan lífsstíl, stundvísi og tillitssemi.

Helstu verkefni og ábyrgð

• Ber daglega ábyrgð og hefur yfirumsjón með starfsemi og nemendum vinnuskóla Múlaþings í viðkomandi bæjarkjarna í samvinnu við yfirmenn.
• Vinnur markvisst að því að efla liðsheild og góða líðan starfsfólks og nemenda í vinnuskólanum.
• Forgangsraðar verkefnum, samræmir og hefur frumkvæði og setur flokkstjórum vinnuskóla fyrir verkefni og tekur þátt í störfum þeirra.
• Hefur samskipti við foreldra og forráðafólk nemenda vinnuskóla.
• Leiðbeinir flokkstjórum um verklag og aðferðir og hefur eftirlit með að vel og rétt sé unnið. Gætir þess að ávallt liggi skýrt fyrir hvaða verkefnum flokkstjórar eigi að sinna.
• Hefur samskipti við viðeigandi stofnanir og deildir sveitarfélagsins, auk yfirvalda, ef þörf krefur.
• Hefur frumkvæði að lausn verkefna á því sviði sem undir hann heyra og hann starfar að.
• Staðfestir vinnutíma nemenda og flokkstjóra vinnuskóla og skilar til yfirmanna.

Menntunar- og hæfniskröfur

• Góð færni í samskiptum og hæfni til að stýra hópi af ungu fólki.
• Reynsla af, og áhugi á, að vinna með og fræða ungt fólk.
• Reynsla af, og áhugi á, fegrun umhverfis og öðrum verkefnum vinnuskóla.
• Krafa um frumkvæði og sjálfstæði í starfi.
• Skipulögð og fagleg vinnubrögð.
• Bílpróf.

Allir umsækjendur þurfa að gefa leyfi að upplýsinga um þá sé aflað úr sakaskrá, sbr. 3.-4. mgr. 10. gr. laga nr. 70/2007 og uppfylla þau skilyrði sem koma fram í 2. mgr. 10. gr. sömu laga.

Umsækjendur þurfa að hafa náð 20 ára aldri.

Öllum umsóknum skal fylgja rökstuðningur fyrir hæfni viðkomandi í starfið.

Vinnustaðir Múlaþings eru tóbakslausir og fjölskylduvænir.

Einstaklingar af öllum kynjum eru hvattir til að sækja um.

Nánari upplýsingar um störfin veitir Freyr Ævarsson, í síma 470 0700 og á netfanginu [email protected]

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is