Uppfærist á 60 mínútna fresti
10°c
9°c10°c10°c10°c10°c11°c10°c9°c10°c
10°c
Á Egilsstöðum og nágrenni er að finna fjöldan allan af hágæða veitingastöðum, allir með sína sérstöðu. Hér ættu allir að geta fundið sér eitthvað við sitt hæfi allt frá gourmet réttum matreidda af Michelin kokki yfir í gómsætar pizzur og hamborgara. Þessu er svo öllu hægt að skola niður með handverksbjór beint frá héraði.
Þrátt fyrir að á Seyðisfirði búi einungis tæplega 700 manns þá eru gæði veitingastaða á heimsmælikvarða.
Allir ættu að geta fundið eitthvað við sitt hæfi, en á Seyðisfirði finnur þú meðal annars huggulegt kaffihús, margrómaðan sushi veitingastað, áhugaverðar pizzur, ferskan fisk beint frá sjómanni og seyðfirskan bjór.
Á Borgarfirði eystra hefur undanfarin ár byggst upp öflug ferðaþjónusta. Veitingastaðir bæjarins eru hvor öðrum skemmtilegri og hafa allir sína sérstöðu.
Djúpivogur er fallegur sjávarbær syðst á Austurlandi. Fallegir veitingastaðir bæjarins bjóða upp á staðbundin matvæli allt frá Lefever sósunum yfir í dýrindis grænkera kræsingar frá Havarí.
Breiðdalsvík er engri lík. Njóttu hágæða veitinga og matarafurða úr nærumhverfinu í fallegu umhverfi.
Veitingastaðir í Vopnafirði leggja sig fram um að veita þér og þínum ánægjulega upplifun með fjölbreyttum matseðlum og góðri þjónustu. Lögð er áhersla á að nýta hráefni sem er framleitt hér á Vopnafirði eða tengist Vopnafirði á einn eða annan hátt.
Reyðarfjörður er vinalegur staður sem hefur gengið í gegnum miklar breytingar á síðustu árum í kjölfar uppbyggingar stóriðju. Bæjarbragurinn hefur breyst mikið á seinni árum og nýir íbúar eru duglegir að gera bæinn að sínum. Reyðarfjörður er lengstur Austfjarða um 30 km langur.
Fáskrúðsfjörður er stundum kallaður „franski bærinn“ enda var bærinn ein helsta bækistöð franskra sjómanna hér á landi áður fyrr. Veitingastaðir bæjarins bjóða upp á fjölbreytt úrval af mat, hvort sem það er undir frönskum áhrifum eða ramm íslenskum. Allir ættu að geta fundið sér eitthvað við hæfi í þessum fallega sjávarbæ.
Neskaupstaður er líflegur bær sem skartar fjölbreyttum og skemmtilegum veitingastöðum. Neskaupstaður hefur þurft að vera sjálfbjarga um ýmislegt sem sést í öflugu og atvinnulífi og sérstaklega blómlegu menningar- og íþróttalífi. Sjávarútvegur, fiskvinnsla og tengd þjónusta er aðalatvinnuvegur íbúanna.
Á yfirborðinu er Eskifjörður sjávarpláss í hnotskurn og ber merki þess í veitingastöðum sínum. Hér má gæða sér á fersku fiskmeti úr nærsamfélaginu, nýmóðins mat á borð við pizzu eða bjóða bragðlaukunum í ferðalag alla leið til Asíu.
Stöðvarfjörður hefur verið í talsverði uppbyggingu undanfarin ár. Kauptúnið hét áður Stöð og er einstaklega snyrtilegt þorp. Stöðfirðingar hafa viðurværi sitt af sjávarútvegi en þar þrífst einnig blómlegur listiðnaður og ferðaþjónusta.
Veður á Austurlandi 
