Heilsueflingardagur á Stöðvarfirði

Heilsueflingardagurinn hefst með hressandi og endurnærandi jógagöngu. Þá tekur við hádegishressing. Eftir hana er fræðsla um mikilvægi slökunar í daglegu lífi. Inn í þá fræðslu fléttast stuttar slökunaræfingar. Þá er kaffihressing og eftir hana dásemdar slökunarstund. Í henni drekkum við hreint kakó, gerum stutta hugleiðslu og svo leiðir Solla ljúfa slökun og spilar á tónskálarnar til að enn betri slökun náist.