Ganga á Fáskrúðsfirði

Í tilefni af mottumars ætlar Göngufélag Suðurfjarða að bjóða upp á göngu og leiðsögn um æfingar. Gengið verður eftir göngustíg ofan við bæinn þar sem áð verður við æfingaskilti og gerðar léttar æfingar. Mæting við Skólamiðstöðina á Fáskrúðsfirði. Gangan er um 3 km löng. Gott að hafa í huga að vera á broddum ef göngufærið kallar eftir því og þeim sem finnst gott að ganga með stafi að muna eftir þeim. Klæðum okkur eftir veðri og kippum góða skapinu með.