Fjallahjólaveisla Fjord Bikes og Dyrfjallahlaups

7. July, 2023

Í tilefni þess að Dyrfjallahlaupið verður haldið hátíðlegt þann 8. júlí ætlar Fjord Bikes að vera með forskot á sæluna fyrir hjólarana á svæðinu!
Um er að ræða dúndurferð á fjallahjólum um stórkostlegt landslag Borgarfjarðar með leiðsögn frá Fjord Bikes. Lagt verður af stað frá Tjaldsvæði Borgarfjarðar og hjólað yfir til Brúnavíkur til að finna allar bestu fjallahjólaleiðir svæðisins. Leiðin sjálf er um 20km á lengd og felur í sér um 700 metra hækkun yfir tvo kafla. Leiðin er ekki tæknilega erfið og hægt er að fara fram hjá öllum hindrunum en það eru kaflar þar sem þarf að halda á eða leiða hjólin upp í móti.
Ferðinni lýkur í Fjarðarborg þar sem öllum gefst tækifæri til að slaka á og kaupa pizzaveislu í Fjarðarborg sem hefst kl 18.
Hægt er að taka þátt í þessari snilld fyrir einungis 5.000 kr fyrir fullorðna 16 ára og eldri og 2.500 kr fyrir börn 8-15 ára.