Dúó + Dúó í Tónlistarmiðstöðinni

Magnús Trygvason Elíassen / Tómas Jónsson / Tumi Árnason
verða í góðu grilli, fljúgandi spuna, djassi, angurværri sveitasælu og tærandi sýru í Tónlistarmiðstöðinni næsta laugardagskvöld. Hér verður tónlistin í aðalhlutverki og spilagleði á heimsmælikvarða. Ekki hanga yfir sjónvarpinu og mættu heldur á þessa tvöföldu tónleika í góðum fílíng því það verður virkilega gaman!!!

Það verður boðið upp á djass, stuð, tónaflug, spunaveislu, sækadelíu músík. Allt þetta og meira til á tvöföldum tónleikum þar sem tvö færustu og flottustu dúó landsins koma fram og leika listir sínar en bæði dúóineiga það sameiginlegt að Magnús Trygvason Eliassen trommar í þeim báðum. Eitt er skipað Tuma Árnasyni en hitt Tómasi Jónssyni en þessi tvö dúó hafa gefið út 3 plötur undir merkjum Reykjavík Record Shop og hafa vakið gríðarlega mikla athygli en sú nýjasta með Tuma og Magga var valin plata ársins í Morgunblaðinu hjá Árna Matthíassyni.

Þetta verður geggjað og eitthvað meiriháttar ólýsandi ævintýri fyrir eyrun og hausinn. Ekki missa af!!!

Tónleikarnir eru í Tónlistarmiðstöðinni laugardaginn 24. febrúar og hefjast kl. 20:30. Léttar veitingar í boði fyrir gesti. 3000kr aðgangseyrir.

Tónleikarnir eru hluti af vordagskrá Tónlistarmiðstöðvarinnar.