Pínulitla gula hænan
24. July, 2021
Pínulitla Gula hænan verður á Bræðslunni á Borgarfirði eystri laugardaginn 24. júlí kl 11:00. Sýningin er í boði Múlaþings.
Í sumar ferðast Leikhópurinn Lotta um landið með skemmtilegt atriði unnið uppúr Litlu gulu hænunni sem þau sýndu árið 2015. Fjórir þekktir Lottu leikarar mæta á svæðið með frábært 25 mínútna skemmtiatriði prýtt fallegum boðskap, frábærum húmor að hætti Lottu og góðum lögum.
LOTTA Í SUMAR
Það verður aðeins annar bragur á Leikhópnum Lottu í sumar. Sökum Covid gátum við því miður ekki búið til glænýjan íslenskan söngleik í fullri lengd líkt og vanalega. Við höfum þó ekki setið auðum höndum og ferðumst um allt land í sumar með frábæra söngvasyrpu stútfulla af sprelli og fjöri fyrir allan aldur.
