Skólastjóri Grunnskólans á Eskifirði

Staða skólastjóra við Grunnskólann á Eskifirði er laus til umsóknar. Leitað er að kraftmiklum og lausnamiðuðum leiðtoga sem er tilbúinn að leiða þróttmikið skólastarf og taka þátt í eflingu skólasamfélagsins í Fjarðabyggð.

Helstu verkefni: 

Ábyrgð á rekstri skólans og þróunarvinnu

Fagleg forysta, dagleg stjórnun og samhæfing starfskrafta skólans

Víðtækt samstarf við stofnanir, heimili og samfélag

 

Menntun og hæfniskröfur:

Umsækjandi skal hafa leyfisbréf til kennslu í grunnskóla

Viðbótarmenntun í stjórnun er æskileg

Reynsla af rekstri, stjórnun og þróunarstarfi er æskileg

Færni í mannlegum samskiptum, metnaður og frumkvæði

 

Skólastjóri skal hafa metnaðarfulla framtíðarsýn í skólamálum og vera tilbúinn að leiða faglegt og félagslegt starf innan skólans og stuðla að öflugu samstarfi innan skólasamfélagsins í Fjarðabyggð.

Grunnskólinn á Eskifirði er um 150 nemenda skóli og í sama húsnæði er tónlistarskóli, bókasafn og elsta deild leikskólans. Milli þessara stofnana er mikið og gott samstarf.

Í skólunum ríkir góður starfsandi og þar er góð vinnuaðstaða. Einkennisorð skólans eru „virðing, þekking, færni og áræði“. Skólinn nýtir uppeldisaðferðirnar Uppeldi til ábyrgðar og ART og tekur virkan þátt í ýmsu þróunarstarfi með öðrum skólum í Fjarðabyggð svo sem bættum árangri í læsi og stærðfræði og Lærdómssamfélaginu í Fjarðabyggð. Nánari upplýsingar er að finna á heimasíðu skólans; www.grunnesk.is

Allar frekari upplýsingar veitir Þóroddur Helgason, fræðslustjóri, í síma 860 8331 eða á netfanginu [email protected]

 

Umsóknir og umsóknarfrestur

Staðan er laus frá 1. ágúst 2019. Launakjör eru samkvæmt samningi LN og KÍ.

Umsóknarfrestur er til 6. apríl.

Umsóknum skal fylgja greinargott yfirlit yfir nám og störf, leyfisbréf til kennslu, ábendingar um meðmælendur sem og almennar upplýsingar um viðkomandi.

Konur jafnt sem karlar eru hvattar til að sækja um starfið.

Deila