Sálfræðingar hjá Múlaþingi
Laus eru til umsóknar tvö stöðugildi sálfræðínga á fjölskyldusviði Múlaþings. Um framtíðarstörf er að ræða.
Múlaþing auglýsir lausa til umsóknar tvær 100% stöður sálfræðinga á fjölskyldusviði. Á fjölskyldusviði Múlaþings er rík áhersla á forvarnir og snemmtæka íhlutun með virku samstarfi fjölbreytts hóps fagaðila í teymum m.a. í Austurlandslíkaninu.
Verkefnin eru fjölbreytt, m.a. mun viðkomandi taka þátt í að:
- Sinna athugunum, greiningu og ráðgjöf vegna nemenda í leik- og grunnskólum
- Annars eftirfylgd og mat á árangri í samstarfi við starfsfólk og foreldra
- Veita starfsfólki leik- og grunnskóla fræðslu, stuðning og ráðgjöf
- Vinna að forvörnum og fjölþættri ráðgjöf í teymum fagaðila m.a. í Austurlandslíkaninu
Menntunar- og hæfniskröfur
- Réttindi til að starfa sem sálfræðingur á Íslandi
- Reynsla af starfi í skólaþjónustu er æskileg
- Áhugi á virkri þátttöku í teymistarfi
- Góð málakunnátta og hæfni til að setja fram mál í ræðu og riti
- Góð samskipta- og skipulagshæfni
- Góð þjónustulund og öguð vinnubrögð
- Sjálfstæði, frumkvæði og metnaður í starfi
Launakjör eru samkvæmt kjarasamningum sveitarfélagsins við viðkomandi stéttarfélag.
Einstaklingar af öllum kynjum eru hvött til að sækja um stöðuna.
Nánari upplýsingar veitir Helga Guðmundsdóttir fræðslustjóri, sími 470 0700 eða á netfanginu [email protected]
Öllum umsóknum skal fylgja yfirlit yfir nám og/eða fyrri störf og kynningarbréf.
Umsækjendur þurfa að veita heimild til að leitað sé upplýsinga úr sakaskrá hjá Ríkissaksóknara.
Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is
Umsóknarfrestur er til 30. maí 2022 og sótt er um starfið í gegnum ráðningarvef Alfreðs: Sálfræðingar hjá Múlaþingi | Fjölskyldusvið | Fullt starf Egilsstaðir | Alfreð (alfred.is)
