Framleiðslustörf – Alcoa Fjarðaál

Alcoa Fjarðaál leitar að jákvæðu og duglegu fólki í fjölbreytt framleiðslustörf í kerskála, skautsmiðju og steypuskála. Við erum stór og lifandi vinnustaður sem aldrei sefur. Álverið á Reyðarfirði er meðal þeirra fullkomnustu í heiminum og saman sköpum við útflutningsverðmæti á öruggan og ábyrgan hátt, allan sólarhringinn, alla daga ársins. Um 360 framleiðslustarfsmenn eru kjarninn í verðmætasköpun Fjarðaáls. Framleiðslustörfin eru að jafnaði unnin á þrískiptum átta tíma vöktum.

Hvers vegna að vinna með okkur?

• Við höfum 150 klukkustunda vinnuskyldu á mánuði.
• Við erum með vaktakerfi sem gefur góðar tekjur og góðan frítíma.
• Við fáum ókeypis akstur til og frá vinnu og frítt fæði í frábæru mötuneyti.
• Við leggjum mikla áherslu á að tryggja öryggi og heilsu allra á vinnustaðnum.
• Við höfum okkar eigin heilsugæslu og aðgang að Velferðarþjónustu Heilsuverndar.
• Við trúum því að samhent teymi ólíkra einstaklinga skili bestum árangri.
• Við gerðum með okkur sameiginlegan sáttmála um góða vinnustaðarmenningu.
• Við höfum sett okkur metnaðarfull markmið í jafnréttismálum í samstarfi við Jafnréttisvísi.
• Við fáum góð tækifæri til þjálfunar, menntunar og starfsþróunar.
• Við erum með virkt umbótastarf þar sem áhersla er lögð á þátttöku starfsmanna.
• Við búum í nálægð við náttúruna í fjölskylduvænu samfélagi á Austurlandi.

Fríðindi í starfi

• Öflug velferðaþjónusta
• Fatnaður
• Íþrótta og meðferðarstyrkir
• Mötuneyti
• Rúturferðir frá helstu byggðarkjörnum

Frekari upplýsingar um framleiðslustörfin veitir mannauðsteymi Fjarðaáls í gegnum netfangið [email protected] eða í síma 470 7700.

Umsækjendur verða að hafa náð 18 ára aldri, tala íslensku, vera með gild ökuréttindi og hreint sakavottorð. Umsóknir eru trúnaðarmál og þeim er öllum svarað.

Í samræmi við jafnréttisstefnu Alcoa Fjarðaáls og lög nr. 150/2020 eru einstaklingar af öllum kynjum hvattir til að sækja um.