Skráning gesta á matarmót

Kæru sölu- og veitingaaðilar og áhugafólk um austfirska matarmenningu.

Þann 21. október næstkomandi fer fram Matarmót Matarauðs Austurlands. Þar gefst matvælaframleiðendum á Austurlandi tækifæri til að kynna sínar vörur fyrir væntanlegum kaupendum, söluaðilum og samstarfsaðilum í greininni. Bæði framleiðendur og kaupendur á Austurlandi hafa kallað eftir vettvangi til samtals og samvinnu og Matarmóti er ætlað að svara því kalli. Matargerð er á miklu flugi á Austurlandi og hér er að finna fjölbreytt úrval veitingastaða og framleiðenda sem vinna með staðbundin hráefni.

Við viljum gjarnan hvetja þig til að mæta sem gestur á Matarmót og kynnast þeirri fjölbreyttu framleiðslu sem í boði er og eiga tækifæri til að efla samstarf innan landshlutans. Þátttaka er þér að kostnaðarlausu en skráning er nauðsynleg.

Matarmótið gerir matarmenningu og -framleiðslu Austurlands hátt undir höfði, allt undir yfirskriftinni Landsins gæði.

Hvar: Hótel Valaskjálf, Egilsstöðum

Hvenær: Föstudaginn 21. október 2022

Skráningu lýkur 18. október.

Nánari upplýsingar veita
Halldóra Dröfn Hafþórsdóttir ([email protected]) // 470 3871
Alda Marín Kristinsdóttir ([email protected]) // 470 3860

Skráning á Matarmót 2022 - Gestir

"*" indicates required fields

This field is for validation purposes and should be left unchanged.