Skráning gesta á matarmót

Kæru sölu- og veitingaaðilar og áhugafólk um austfirska matarmenningu.

Þann 1. október næstkomandi fer fram Matarmót Matarauðs Austurlands. Þar gefst matvælaframleiðendum á Austurlandi tækifæri til að kynna sínar vörur fyrir væntanlegum kaupendum, söluaðilum og samstarfsaðilum í greininni. Bæði framleiðendur og kaupendur á Austurlandi hafa kallað eftir vettvangi til samtals og samvinnu og Matarmóti er ætlað að svara því kalli. Matargerð er á miklu flugi á Austurlandi og hér er að finna fjölbreytt úrval veitingastaða og framleiðenda sem vinna með staðbundin hráefni.

Við viljum gjarnan hvetja þig til að mæta sem gestur á Matarmót og kynnast þeirri fjölbreyttu framleiðslu sem í boði er og eiga tækifæri til að efla samstarf innan landshlutans. Þátttaka er þér að kostnaðarlausu en skráning er nauðsynleg vegna samkomutakmarkana.

Matarmótið er hluti af glæsilegri dagskrá sem gerir matarmenningu og -framleiðslu Austurlands hátt undir höfði, allt undir yfirskriftinni OKKUR AÐ GÓÐU.

Hvar: Hótel Valaskjálf, Egilsstöðum

Hvenær: Föstudaginn 1. október 2021

Skráningu lýkur 29. september.

Nánari upplýsingar veita
Halldóra Dröfn Hafþórsdóttir ([email protected]) // 470 3871
Alda Marín Kristinsdóttir ([email protected]) // 470 3860

Skráning á Matarmót

This field is for validation purposes and should be left unchanged.